Sairang – Kawnpui kawng siam tlawh
Adviser to chief minister (Finance) TBC Lalvenchhunga chuan Inrinni khan Kawnpui leh Sairang inkar kawng thawm that mekah hnathawh a chak zawk dan tur a hmunah a en a, Mizoram PWD hotute contractor – J Intratech, BR Goyal leh Balaji Construction hotute nen an sawiho.
Kawnpui to Khamrang thawktu J intratech chuan Dense Bituminous Macadam (DBM) leh Water Bound Macadam (WBM) an zo thaw khat tawh a, bituminous concrete siam mekin an siam zawh tawh thenkhat damage portion an lai tha leh mek tih an lo sawi. Heng an hnathawh hi April 20 hma ngeia zo turin TBC Lalvenchhunga hian hnathawktute a ngen a ni.
Buichali leh Khamrang inkar khawihtu BR Goyal chuan an zo thawkhat tawh a, tunah hian tui luankawr an siam mek. Kawnpui to Khamrang khawihtu Balaji Company-in km.2 an thawk mek a ni.
Buichali leh Sairang inkar hi pavement concrete cement (PCC) in single lane thenkhat an siam zo thawkhat tawh a. Adviser to CM hian Sairang Zero Point atangin Sairang khawchhung lama hna bul tan turin a hriattir a, April thla tir atanga hna thawk tan tur leh April 10 hma ngeia zo turin a hrilh.
Aizawl West I bialtu MLA ni bawk TBC Lalvenchhunga hian Balaji Company-in Laboratory Testing Center Khamranga an bun pawh a en nghal a ni.
Sairang – Kawnpui kawng siam tlawh
