September 19 zan khan Sakawrdaiah nu pakhat chu an chenna inah thi a hmuh a ni a, mi kut tuar ni theia ngaih a nih avangin police-ten an chhui zui mek.
Thudawn danin a fapa nena awm Lalniengi (49) w/o RT Kima Sakawrdai Chhimveng chu Ningani zan dar 6.00 vel khan an inah thia hmuh a ni a. A thih chhan hi chiang taka sawi theih ni lo mah se, a nghawngah duk a awm deuh avangin mi kut tuar a ni palh thei nia sawi a ni. Police-ten an endik hnu ah Sakawrdai damdawi inah post mortem examination tih a ni a, Zirtawpni khan vui a ni.
Lalniengi hian fa 5 a nei a, a fa te ber nen inpuiah hian awmin a fapa hi rama a riah bo lai a ni a. Ningani zing atang khan thenawmten a hmel an hmu lo tan a, tlai thlimhlim thlenga a thawm hriat tur awm lo leh electric current a ti eng lo chi ngaih tha lo in an enchiang a, an chhuatah zangthal zawnga a lo let reng chu an va hmu tih sawi a ni.
Sakawrdaia thihna chhui mek
