Congress tena Uttarakhand-a Lok Sabha campaign an bultannaah party president Mallikarjun Kharge chuan Dehradun a mipui pungkhawm hmaah sakhuana leh politics chu chawhpawlh lova kal hran tir tur a ni a ti.
Hei mai bakah hian Prime Minister Narendra Modi chu sawiselin ‘eleventh avatar of Lord Vishnu’ nih tum a ti bawk a. “TV in tihnun a piangin, Modi a lo chhuak zel ang” tiin a sawi.
Sakhuana chu mimal thil a ni tia sawiin mitin hian Pathian ring vekin amahah rinna an nghat vek a ni. Sakhuana leh politics hi dah hran tur a ni tia sawiin Modi chuan a chawhpawlh a ni a ti bawk a. Thil a inchawhpawlh tawh chuan eng nge dik leh dik lo hriatfiah a har tawh thin, tiin a sawi bawk.
BJP sorkar Agniveer scheme pawh sawiselin, “Hna an tiam a, mahse Agniveer scheme an pe zawk. Kum li a ral meuh chuan thalai te chu kawtthlerah hna nei lovin an awm a ni” a ti bawk a. Modi sorkar chu university teaching staff appointment ah pawh reservation titlemah a puh bawk.
BJP te nationalism leh patriotism ah zawhna siam bawkin Kharge chuan an party leader ten zalenna sual lai leh independent hnu pawha sacrifice pakhat an neih pawh sawi turin a cho bawk a. BJP hotu hmasa te kha British hnuaia hnathawk an nih laiin Congress leader te leh workers te Pandit Nehru leh Mahatma Gandhi te chu lung in an tang a ti bawk.
Indira Gandhi leh Rajiv Gandhi ten India inlungrualna leh inpumkhatna a awm theih nan an nun an hlan a. “Nangni BJP te hian patriotism leh natioanlism zirlai min zirtir ngam ang maw” tiin Congress president chuan a sawi.
Sakhuana leh politics kal hran tir tur : Kharge
