Daily Newspaper

Sample latu leh endiktute thawkrim

8

State Field Laboratory Unit (IDSP) Aizawl chu sample la in an insem sawm leh a. Team khat Mobile Team anga awmin Tuikual South, MINECO Khatla, Zotlang leh FCI kudam Ramrikawnah te sample lak a ni a, heng sample an laksakte hi buhfai phurtute leh contact tracing sample test bakah emergency-a sample lak ngaite an ni.

Hetihlai hian Sample Collection Team pahnihten August 24 atang khan R.Dengthuama Hall Mualpui Salem Vengah leh AMC, Excise & Narcotics, filling stations leh bank-a thawkte sample Rapid Antigen Test hmangin an laksak a, sample 74 test sak hman niin, nimin – August 25 khan sample 100 chuang test a ni. State Field Laboratory Unit IDSP hi an hah hle a, chhunzan zawm takmeuhin tunlai hian sample la in hun an hmang mek tih thu dawn a ni a, August 24 zana test an kalpui pawh tlaivar thakin a tuk zing dar 4.00 velah an mu ve hman chauh tih thu dawn a ni bawk.

Hetihlai hian State Field Laboratory Unit (IDSP) hian task force-te hnenah hriattirna a siam a. Zangena Petrol Pump Ramhlun North, Aizawl tlawhtute, veng hrang hrang atangin mi 15 vel theuh sample lak hmasak tum a ni a, hemi atan hian LLTF & VLTF te list lo siam tura ngen an ni.

Hengte hi ngaipawimawh hmasak turin an ti – August 10 & 15 a he pump-a kalte; August 6 hnulama zing dar 6 atanga chhun dar 12 inkara kalte, a bikin August 10 & 15 a he pump-a kalte leh pawisa kir dawngtute ngaipawimawh hmasa turin an ngen. August 14 &17 a kalte chu sample lak a ngai rih lo tih an sawi a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy