Sanctuary-a chakai chhittu man
Mamit district Dampa Tiger Reserve & Sanctuary huamchhunga chakai chhit mi pali chu man an ni.
Thudawn danin Dampa Tiger Reserve & Sanctuary vengtu Tuilut camp-a Forest department duty-te chuan Inrinni khan he hmun huamchhunga chakai chhit mi pali, Damparengpui khua ami vek chu an man. An hnen atang hian chakai 50/60 vel, torchlight, chempui leh car an man sak.
Tiger Reserve & Sanctuary chhunga dan phal loha nungcha an man avang hian Wild Protection Act 1972 hnuai Sec 9, Sec 27 & 31 hmangin thubuai siamsak an ni a. Mamit Hospital-ah an hriselna dinhmun enfiah sak an nih hnuah District Court-ah an inlan a, court-in an chungthu a ngaihtuah hma in District Jail Mamit-a dah luh an ni tih thu dawn a ni.
Sanctuary-a chakai chhittu man
