Daily Newspaper

Sanga chi lei nan nuai 69 seng

13

Fisheries Department Mamit chuan sawrkar kum 2019- 2020 leh 2020 -2021 chhungin sangha chi leina atan cheng nai 69.4 chuang a seng tawh a, kum 2020-2021 chhungin sangha metric tonne 2110 thar chhuah a beisei thung.

RTI hmanga Mamit Times chanchinbu in a dilchhuah danin, 2019-2020 chhung khan Mamit district-a mi 56 hnenah tuikhuah/ sangha khawi tanpuina pek a ni a. 2020-2021 chhungin tuikhuah thar siamna tur tanpuina mi 45 hnenah pek leh a ni bawk. Tanpuina sum pekte hi a project leh scheme azirin a inang lo. Heng tanpuina dawngtu mi 101 zingah hian Mamit khawpui chhung ami pahnih – Lalrindika Sailo, Mamit Hmunsam leh Lalsangluri, Mamit Hmunsam an tel a; hetihlai hian, Mamit district pawnlam atangin mi pasarih – R Lalhnuna Republic, Aizawl; H. Pukhuma, Chhinga Veng; Sangthanzuala, Dawrpui; F. Zoramchhana, Republic; Laldingliana, Zemabawk North; J. Lalchungnunga Sihhmui; Lianchungnunga, Armed Veng ‘S’ te an tel.

Kum 2019-2020 leh 2020-201 chhung khan sangha chi leina atan Rs. 69,44,000 sen a ni a. RTI chhanna tarlan danin, sangha chi lei dan chu: 2019-2020 chhungin pakhat cheng 2-a hisapin 4,70,000 kei a ni a; 2020-2021 chhungin Rs. 4 hisapin sangha no 3,00,000 leh Rs. 4 hisap thoin sangha chi 2,00,000; Rs. 3.5 hisapin sangha chi 11,44,000 lei a ni.

Kum 2019-2020 chhunga Mamit district-in sangha a tharchhuah zat chu MT 2037.25 a ni a, sangha hralh kawngah department a inrawlh loh avang leh sangha dil siamtute zalenna a dah a nih avangin sangha man atanga sum lakluh zat an hriatpui loh thu RTI-ah hian tarlan a ni. 2020-2021 chhungin sangha MT 2110 tharchhuah beisei a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy