Fostering Climate Resilient Upland Farming System in the North East (FOCUS) District Management Unit, Kolasib District hnuaiah Innovation Fund hmangin, North Chawnpuia Ruattei Fish Seed Farm-ah Rs 30,08,000 sengin sangha chaw siamna khawl din a ni a, Thawhtanni khan Agriculture & Farmers Welfare minister PC Vanlalruata’n a hawng.
Sangha chi siamna hlawhtling tak, puih tlak an awm chu lawmawm a tih thu minister hian sawiin, “Kuthnathawktu zingah sawrkarin an bana a kaih zeuha hlawhtlinna chang thei an awm nual a; a zavai chuan theilo mah ila, a theih chin chinah kan inkaichhuak zel dawn a ni,” a ti.
Mizoramah kan eizawnna pui ber chu agriculture sector a nih avangin kuthnathawktute chawikan zel chu sawrkar tum a ni tih a sawi a. Tuna an khawl hawn pawh hian sangha chaw bakah vawk chaw leh thil dang dang a siam chhuak thei dawn a, chu chu kuthnathawktuten nasa takin a zar an zo thei dawn tih a sawi a ni.
Sangha chaw siamna khawl din
