Daily Newspaper

Sangha tui tihkeunaah a chi nuai 10 vel keu

13

Kolasib Zero Point, Bairabi Road-a Carp Hatchery Unit (sangha tui awpkeuna) a sangha chi tihkeu hmasak ber chu Inrinni khan Fisheries minister K Lalrinliana’n a en a, state pawn atanga lakluh ngai loa sangha chi leh a chawa intodelh theih nana hmalakna pawimawh tak a ni tih a sawi.

Minister chuan Covid-19 vangin bungraw hrang hrang state pawn atanga lakluh a harsat thu leh chu’ng zingah chuan sangha chi lakluh kawngah pawh harsatna a awm thu a sawi a. Hei vang hian sangha chi leh a chawa kan intodelh theih nan sawrkarin hma a lak mek tih a sawi.

Sangha tui tihkeuna hmun a tlawh ‘Little Galilee’ ah hian a hmasa ber atan sangha chi nuai 10 vel tihkeu a ni a, heng sangha chite hi thla thum hnuah chuan hralhchhuah theih beisei a ni. Fisheries Department kaltlanga Blue Revolution hnuaia Carp Hatchery unit tangkai taka hmangtu, Little Galilee neitute taimakna leh inpekna chu Mizorama sangha chi a kan intodelh theihna kawng sialtu pawimawh tak a nih ngei a beisei tih minister hian a sawi.

Helai hmun bakah hian Lengpui, Tam Dil leh Zobawkah sangha chi tihkeuna hmun ruahman a nih thu a sawi bawk.

Zero Point, Bairabi Road-a Carp hatchery hi April 2019 khan Blue Revolution hnuaia bul tan a ni a. Kumin July thla tir khan Katla, Rohu leh Grass carp sangha chi chu a vawikhatna atan nuai 10 vel tihkeu niin, kumin September-ah hralh chhuah theih tura beisei a ni. Kumin vek hian sangha chi tikeu leh hman tura hma lak mek a ni. Mizorama tihpun turin sangha chi tha, Central Institute of Freshwater Aquaculture (CIFA) atanga chah thlen dan turte pawh minister ho hian rel a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy