Brazilian State Sao Paulo ah chuan tuilian nasa leh leimin nasa avangin mi 36 chuangin nunna chanin Carnival lawmna neih tum pawh thulh phah a ni.
Tuilian hian chenna inte tichimin, kawngpui te pawh a chimpil hneh hle a, in tam tak a lak avangin hnawmhnawk a inchhekkhawm nasa a ni.
Rescue team-te chuan dam khawchhuak zawngin hma an la a, kawngpui te hman theiha siam turin hma an la bawk.
Pathianni khan ruahsur 600mm (23.6 inches) lai dawngin thla khat chhunga ruahtui a dawn tura hisap let hnih a dawng a ni.
“Chhanchhuah hna thawktu ten theih tawp chhuahin an bei mek a, thil awm dan a buarchuar tak zet a ni,” tiin Felipe Augusto, Sao Sebastio mayor chuan a sawi a. “Vanduaina thlengin a tihchhiat dan chiah hi kan la hre mai thei lo va, tunah chuan chhanchhuah hna theihtawpin kan chhuah mek a ni,” a ti bawk.
Mi tam tak an chin hriatlohin an awm mek a, chenna in 50 lai chu tihchhiat vekin a awm tiin Augusto chuan a sawi bawk a, thil awm dan a la duhawm rih loh hle thu a sawi bawk.
State sorkar chuan Sao Sebatiao-ah ringawt nunna chan 35 an awm tawh thu sawiin mi za tel tehmeuh chenna atanga hmun hima thiarchhuaha an awm thu an sawi bawk a.
“Vanduaithlak takin nunna chan tam tak an la awm dawn” tiin civil defence official chuan a sawi a. Mi 228 lai chenna in nei lova an awm tawh thu sawiin mi 338 chu Sau Palo coastal region-ah chhanchhuaha an awm thu a sawi.
Sao Sebatiao, Caraguatatuba, Ilhabela, Ubatuba, Guaruja leh Bertioga khuaah te chuan state of calamity ni 180 awh tur puan a ni tawh bawk a. State Governor Tarcisio de Freitas chuan disater relief atan $ 1.5 billion thehchhuah a nih tawh thu a sawi bawk.
Northern coastline tinah Carnival events neih tum te thulh vek niin helai hmun hi tourist hausa te fuankhawmna thin niin festival neih laia kawtthler lun lutuk pumpelh nana mihausate punkhawmna hmun a ni.
Carnival hi a tlangpuiin ni nga chhung neih thin a ni a, Christian festival Lent thleng a awh thin niin Brazil-ah chuan nasa taka hun hlimawma hman thin a ni.
Latin America a lawngchawlhna lian ber Santos pawh thliin 55km/h a pelh avangin khar a ni bawk a. President Luiz Inacio Lula da Silva Bahia state a carnival hmang mek pawhin Thawhtanni khan vanduaina hmun a pan nghal bawk a.
Nunna chan chhungte a tawrhpui thu sawiin sorkar chuan tanpuina a pek tur thu leh transport siam that leh communication infrastructure te chu din that leh vek a nih tur thu a sawi bawk.
Nikum khan ruahsur nasa avangin south-eastern city Petropolis ah mi 230 in nunna an lo chan phah tawh bawk.
Sao Paulo-ah tuilian vangin mi 36 thi
![](https://theaizawlpost.org/wp-content/uploads/tap_logo-min-large.jpg)