Daily Newspaper

Saphai kum 62 a upa, a pa nena an awm dun atanga kum 15-naah a tui!

29

St. Louis Zoo-a an saphai khawi chu kum 62 a upa a ni tawh a, he saphai hi a tui ta tlat mai a, a pa nena an inpawlna hnuhnung ber chu kum 15 kalta kha a ni daih tawh bawk si a, hei vang hian ngaihven a hlawh ta hle a ni.

Rul chanchin lama mithiam, herpetologist-te chuan rul te hi inpawl kher lo pawhin an inthlah chhawng thei niin an sawi a, hetiang hi facultative parthenogenesis an ti a, hei bakah hian rulpui ten a pa nena an inpawl hnuah a pa chi chu tui siam nan hmang nghal loin, an dahtha thei a, a hnuah tui siam nan an hmang leh thei niin an sawi bawk.

He saphai hi a pa nena an inpawl hnuhnung ber atanga a pa chi a dah that hmanga tui nge a ni a, a pa chi tel lo ama tawka tui tih chu genetic testing lo chuan hriat theih a ni lo a, hei hi sahuan enkawltute chuan tihchian ngei an tum niin an sawi a, he saaphai tui hi an keu ngei theih nan an enkawl zui a, engtiang a tui nge tih hriat theihnan genetic testing hi an ti dawn bawk a ni.

He sahuan a rul lam enkawlna a an hotu Mark Wanner chuan he saphai hi kum hetiang zata upa a ni tawh chung pawha a tui thei chu a mak ve tawh reng reng niin a sawi a, hriat theih chinah ball python zinga tui thei upa ber a nih ngei a rinthu a sawi bawk a ni.

(THE AIZAWL POST – Phuah Pawlh)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy