SASCI Part-3 chuh chak a tul – CM
Sawrkar laipuiin state leh union territory-te tana SASCI (Special Assistance to States for Capital Investment) a pek tur chu a che hmasa sa tan a nih avangin chuh ran a tul tih chief minister Lalduhoma chuan a sawi.
Zirtawpnia SASCI chungchanga a kaihhnawih sawrkar hotulute thutkhawmah chief minister chuan, SASCI chu ramin hmasawnna ruhrel tha leh tlo a neih theihnan a tha avangin department-ten tha thlah loa tan lak a tul hle tih a sawi a. Part-3 bikah state leh UT ten centrally sponsored scheme hmanga infrastructure kan thawhnaa state share-a kan hman theih tur sum vaibelchhe singkhat dah a ni tih a sawi.
“A che hmasa sa (first come first serve) tan a nih avangin chet ran zel a tha. Hmasawnna hnathawhna kawnga state rethei deuhten harsatna kan tawh nasat chu state share tur kan nei thin lo hi a ni. Part-3 hian chumia kan mutan chu min sutkian sak thei a ni,” a ti. Department hrang hrangin SASCI hmalaknaah theihtawp an chhuah thin tih report an pek atangin an hre thei a, a lawm hle tih a sawi a ni.
Planning secretary Lalmalsawma Pachuau chuan SASCI part hrang hrang a sawifiah a. Hmachhawp awm leh chak deuh zawka hnathawh a tulna sawi a ni. A bikin reform link incentives hmuh theihna SASCI Part 5 – mining sector reform, part 6 – scrapping of old vehicles & electronic enforcement of road safety, part 7 – land related reforms by state government in rural areas, part 8 – land related reforms by state government in urban areas, part 9 – incentives to state for efficiency in financial management, part 10 – urban planning reforms 2025-26 sawizui a ni a. Incentives hi a tam thei ang ber dawn tumin sawrkar chuan tan a la dawn a ni.
Thutkhawm hian chief secretary kaihhruaiin SASCI Monitoring Committee din a rel bawk.
SASCI Part-3 chuh chak a tul – CM
