Aizawl district magistrate chuan a thuneihna huamchhungah kumin October chho atangin sava leh ramsa pelh/ kah a khap.
Mizoten favang leh thlasik lai chu ramvah, sapel leh sava veh huna kan neih a ni a. Heng hunah hian kan rama sava, ramsa leh sava pem chite nasa taka suat an ni thin tih district magistrate hian a sawi a. Heng zingah hian khawchhak ram thlasik tlansan a, South Africa ram an pan hmaa Mizorama lo chawl lailawk thin, Sialsir (Amur Falcon) pawh telin, Sialsir bakah sava dang leh nungcha, kan rama thlamuang taka an awm theihnan BNSS Section 163 (1) in thuneihna a pek angin Aizawl district huamchhunga mipui zawm turin thupek a chhuah tih a sawi.
2024 October leh November thla chhung hian mi tumahin sairawkherh, silai leh air rilfe leh hmanraw dangin sava leh nungcha dangte an vehin an pel tur a ni lo tih mipui a hriattir a. Thupek hi puan a nih atanga thla hnih chhung a huam anga, thupek zawm lo chu BNS Section 223 hmangin hrem an ni dawn tih a sawi.
Sava leh ramsa pelh khap
