Sailam leh Chamring sawhthing, Reliance Retail Limited hnena Mizoram sorkarin a hralhah 40% vel a chhia tih thuin tunlaiin titi a luah a, Sailam leh Chamring mipui an zakin hrehawm an ti hle. Mahse an sawhthing heti zat a chhia tih thu hi mak an ti a, awih har an ti.
|um dangah pawh sawhthing an hralhin a chhia a lo awm fo a, Reliance Retail Limited hnena hralhah pawh hian a chhia a lo awm ang tih chu an ring. Mahse 40% em em hi chu an ring thei lo.
“Sawhthing chhia kg 1 hi tam tham tak a ni. Quintal 1 phei chu tam tak a ni. Quintal 100 kan hralhah quintal 40 a lo chhia hi chu awih a har a ni. A chhia kg 1 a tam thamzia aanga kan ngaihtuahin awih a har kan ti,” Sailam pa pakhat chuan a ti.
Sawhthing an hralhin a chhia a awm fo tih an sawi a, a chawhnaa tihkhem te, ip-a an khung hnuah a thlar lo tliak te, sik leh sa inthlak vanga lo hmelhem te pawh a awm thei an ti a, chumi hre chung chuan a leitute’n an lei hin tih an sawi.
‘A chhia a awm thei tih hre sain a leitute’n an lei hin a. Kg 100 lei ta se, kg 5 lo chhe ta se, a chhia a tam an ti ang. Quintal 100-ah quintal 40 hi chu a tam em a ni,’ an ti.
“Kan sawhthing chhia an tih hi hmuh kan duh a ni. A chhia quintal 40 hi hmuh ve kan duh a ni,” pa pakhat chuan a ti.
Sailam leh Chamring khuate hian hmingchhia an inti a, hemi vanga hrehawm an tih bakah anmahni vangin sawhthing hralh a har ang tih an hlau bawk.
Tun hnai, an sawhthing hralh a chhia tih thu a than hnuah Sailam sawhthing engemaw zat chu vaiin an lei leh tawh a, sawisel an nei lo tih thu dawn a ni.
February ni 21-ah khan Budget Session-ah chief minister-in Sailam leh Chamring sawhthing, Kolkata-a an thawn thlakah a chhia a tam tiin a lo sawi tawh a, “Ni li a thang a, a chhia a tam em em tih report vawiinah ka dawng a ni. Kan Reliance-ho pawh an zahawm ka ti a… Chuvangin, hetianga kan rinawm lo dawn a nih chuan sumdawnna khawvela luh hi a har dawn mang e aw kan tan hian tih kha ka rilruah a lo awm a ni,” a ti. Chumi hnuah horticulture minister-in an party office-ah a sawi ve leh a, a chhe zat hi a sawi lang a n
Sawhthing chhia 40% a tlin ring thei lo
