Daily Newspaper

Sawmtea ‘Hun leh ni lo danglamin’

11

Tunlai Mizo mipa gospel singer zinga huhang nei lian ber pawl Sawmtea Chhangte chuan a music video thar ‘Hun leh ni lo danglamin’ tih chu ama YouTube channel siam thar ‘Sawmtea Chhangte’ tih-ah nimin khan upload-in a tlangzarh. Sawmtea chuan a YouTube channel hi a video leh hla sak te dah that nan leh rawngbawlna lama a tangkai theih beiseina nena a siam a ni.

He hla hi 2001-a World Trade Centre sut chim laia A. Lalchhan-tluanga phuah a ni a, kum 20 dawn hnuah Sawmtea hian a rawn sa chhuak ta chauh a, kan tunlai boruak tawn nen pawh a inmil riau a, tun hun atana a lo phuah emaw tih mai te pawh a awl rum rum zawk a ni. Sawmtea hian a hla sak te reng reng hi ‘a sa nung’ ti a fak a hlawh thin a, tuna a hla thar pawh hi chutiang bawk chu a ni leh ang.

A music video i en chuan khawi laia shoot nge tih i ngaihtuahnaah a rawn awm nghal ngeiin a rinawm a, Mizoram chhung ngei a ni tih Sawmtea chuan a sawi. A video hi Milestone Picture kutchhuak niin, HC Recording-a record a ni a, a music hi Lal K Sailo kuthnu a ni ve thung.

Sawmtea chuan, “He hla hian total lockdown tantirh atang tawh khan min thlamuan takzet a, hripui leh lirnghing, chhiatna tam tak kan tawrh a, ka rilru a hreawm em em laiin he hla hi ka sa chhuak thin a, mak tak maiin ka thla hi a ti muang siai siai thei a, ngaithla tu mipuite pawhin Pathian thlamuanna leh awmpuina lo chang ngei turin ka duhsak che u,” a ti.

(THE AIZAWL POST – Thalaite Huang)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy