Adviser to chief minister (Implementation of Hand-Holding Policy) KC Lalmalsawmzauva chuan Nilaini khan Khawzawl a tlawh a. Sawrkar department hotute nen district chhunga sawrkar bungrua/ hmunhma hman tangkai loha awm mek (non- functioning assets) chungchang an sawi ho.
Adviser to CM chuan kalphung thar siam an tumnaah sawrkar hnathawkte tawiawmna leh phurpuina an dawng tha hle nia an hriat thu a sawi a. Mizoram sawrkarin Hand-Holding Policy chu thuang hniha kalpui a tum tih sawiin, a thawh khatnaah sawrkarin a tarlan thlai chi li chingtute ‘bana kaih’ hmasak tum an ni a, hei hian kum 2/3 hnuah tharchhuah chuangliam (excess production) thlenin Mizoram chu ‘market economy’ (mamawh leh tharchhuahin a kaihhruai) ah a hlankai beisei a ni tih a sawi. Mizoramin tharchhuah chuangliam a neiha ‘market economy’ a a luh theih chuan, thalai lehkhathiamten thlai thar sawngbawlna (processing, packaging etc) an kalpui anga, Hand-Holding Policy thawhhnihnaah chuan heng ‘1st Generation Enterpreneur’ te hi an ‘banah kaih’ a ni dawn tih a sawi a ni.
Thutkhawmah hian Khawzawl district-a department hrang hrangte hmunhma leh khawl hman rih loh emaw hman tangkai tawk loh emaw dinhmun thlir ho a ni a. Heng hi tangkai leh mumal zawka hman an nih theih dan tur sawi ho a ni.
Sawrkar bungrua hman tangkai loha awm enfiah
