Aizawl East-II bialtu MLA, minister Robert Romawia Royte chuan Zirtawpni zing khan a bial chhunga sawrkar hmalaknaa hnathawh hrang hrang paruk hawngin hnathawhna tur 4 lungphum a phum bawk.
SASCI hnuaia Chhinga Veng leh Electric Veng inkar kawr, RCC link drain cheng nuai 85-a thawh tur chu lung a phum a, hnathawh tan thuai tum a nih thu a sawi. Tuithiang Veng hnuai atanga Venglai inkalpawhna kawng nuai 50 senga PWD kawng siam leh a chhunzawmna nuai 30 senga kawng siamna tur; nuai 30-a sak mek Armed Veng South Futsal Ground; nuai 20 senga Tuithiang Futsal Ground siam chhunzawmna tur leh, nuai 300 senga PWD-in an siam mek Armed Veng mawnga checkdam lungphum a phum bawk.
Armed Veng South Community Hall leh Armed Veng chuanhnuai inkar kawng, cheng nuai 68 senga PWD-in RCC road a siam; District Jail to CRPF Camp RCC road nuai 16 senga PWD kawng siam; Chite Venga Upper Chite Road nuai 50 senga PWD kawng siam; Armed Veng Community Centre leh Armed Veng chung inkal pawhna kawr chunga lei/link drain nuai 149 senga UD&PA kawng siam; Chite lei nuai 205 senga Tourism department-in WAPCOS kaltlanga an dawh te a hawng a ni.
Sawrkar hmalaknaa thawh hawng
