Sawrkar hnathawk
chenna ngaihtuah
Saitual district bawrhsap Dr Lalngura Tlau kaihhruaiin district chhunga sawrkar department hrang hrang hotute chu sawrkar hnathawkte chenna tura ruahmanna ‘General Pool Accommodation’ ngaihtuahin Nilaini khan an thukhawm.
Bawrhsap chuan Aizawl pawna sawrkar hnathawkten chenna chungchangah harsatna an tawh thin avanga harsatna sukiang turin Mizoram sawrkarin ruahmanna a nei a. Mihring kan pun zel rualin ram pawh a indaih lo telh telh a, chuvangin hmun zimtea mihring chen tam theih dan tur ngaihtuah chu thil tul tak a ni tih a sawi. General pool accommodation hmang hian sawrkar ramah quarter sak a ni anga, sawrkar hnathawk chenna tur neiloten harsatna an tawh thin chu sutkian tum dawn a ni tih a sawi.
Saitual district-a department hrang hrang aiawh kalkhawmte atangin staff leh quarters an neih dan sawi a ni a. Department tinin staff, quarters leh ram an neih dan chu December 6 (Zirtawpni) hmain bawrhsap pisa-a thehluh tura tih a ni. He form hi General Administration Department (GAD) ah December 16 hmain thehluh leh tur a ni ang.
Sawrkar hnathawk chenna ngaihtuah
