Sawrkar hnathawkah ZPM sawrkar a ni telin tlahniam
– Zoramthanga
Kum khat chuang an sawrkar chhungin sawrkar hnathawkah a ni telin ZPM sawrkar an tlahniam zel tih MNF president Zoramthanga chuan a sawi.
Kolasib district chhunga MNF VC tling tharte lawmpuina Thawhtannia Kolasib-a neih a hmanpuinaah MNF president chuan ZPM chu itawm chitin rengin an inzuar a, kan vote ruih ruih a, kan vote tling ta a. Thil an sawi awl a, D-A-H DAH atangin an tan a, tunah an sawi loh ang hlirin an awm a; an sawi angin an awm lo tih a sawi.
“Kum khat chuang an sawrkar chhung hian sawrkar hnathawkah a ni telin an tlahniam zel a, sawrkar hnathawk lian an nuih a za a, naupang inkhuallem kan ang, an ti,” a ti.
Sawrkar hnathawk tê deuh ho an lungawi lo mek a, cancer vei pawh an thliar tawh loa, doctor rual an phin leh a, health care an ti suakbak vek niin Zoramthanga hian a sawi.
“Naupang leh zirtirtute lungawi lohna a in-up leh mek a. School dinhmun sang zawka kan hlan zawng zawng an cancel a, Finance minister-in ‘a theih’ ka tih avanga kan tih a ni. Covid len lai pawhin a theih a, Covid awm loh hnuah a theih loh an ti ta si hi a mak hle,” a ti.
Hmunphiah sawi chuan ngaihthlak loh an duh zawk a, sawhthing thar tur zat nia an hriat kha hmun 10-a hmun khat pawh an la lei lo tih MNF hruaitu hian sawiin, “Sawhthing leh thlai hi thingtum anga dahthat a, duh hun huna hralh tum chi a ni lo. A huna seng a, a huna hralh a ngai. ZPM sawrkar hi kuthnathawktuteah a ni telin an tlahniam zel,” a ti.
MNF nge nge an lo rintlak a, mipuiin kan lo chhawr a ni, an ti tan leh mek niin MNF president hian a sawi a. ZPM chu an kal rei deuh hunah phei chuan an hmabak a nasa lo khawp dawn tih a sawi bawk.
Sawrkar hnathawkah ZPM sawrkar a ni telin tlahniam – Zoramthanga
