Daily Newspaper

Sawrkar hospital ni loa sample test theih turah lawm

32

Covid kai leh kai loh enna hmanrua sawrkar damdawi in kher loa kalpui theih tawh tur chu lawmawm an tih thu Congress Thalai chuan an sawi.

Thuchhuah siamin Congress Thalai Hqrs. chuan, thuthar thehdarhtute kaltlanga state dang anga private hospital leh laboratory-te Covid-19 test phalsak tura an lo ngen tawhna Mizoram sawrkarin gazette tichhuaka private hospital leh laboratory-te Covid-19 test a phalsak ta chu lawmawm an tih thu a sawi.

‘Sawrkarin The Mizoram Epidemics (Covid19) Regulations 2020 chu amendment siam a, kohhran leh private hospital-ten Rapid Antigen Test an tih theih nan provision siamsak thuai a ngai, tia sawrkar kan lo nawr ve na, hetianga ruahmanna tha tak a puitling ta hi a lawmawm takzet,’ a ti.

Hei bakah hian vawi tam thuchhuah leh thuthar thehdarhtute kaltlanga sawrkar an lo ngen tawhna, ‘mahni duhthua Covid-19 in test duhte RT-PCR test man Rs. 4500 chu a to lutuk a, ICMR duh angin mipui ban phak Rs.2500 hnuailam tal ni rawh se’ an tih chu sawrkarah thlen tura thehluh a ni ta tih Congress Thalai thuchhuah hian a tarlang bawk.

‘India ram state dang private hospital-ah te RT-PCR test man hi Rs.2500 aia hniamte an lak tawh bakah ICMR-in May 25, 2020 atang khan state tinte chu RT-PCR etc. test man tihniam tura a lo rawn angin fee hi tihniam turin sawrkar kan phut a. Hetianga kan nawrna leh rawtna te lo bengkhawnin, Covid-19 dona atana sawrkarin Committee pawimawh tak a siam, Covid Medical Operational Team-in RT-PCR voluntary test man Rs.2500 leh RAgT test man Rs.700 ni turin sawrkarah thlen an tum tih mipui hriata puanzar a ni ta a. He Committee-in a thlen tur hi chu sawrkarin a pawm sa nia kan ngaih avangin lawmthu kan sawi a ni,’ a ti.

MNF Thalai-in, sawrkarin voluntary testing atana RT-PCR test etc.-a pawisa sang tak a lak mekte sawifiah a lo tum chu mipui hma a ngaih loh thlak an tih thu Congress Thalai hian sawiin, ‘Hetianga pute thu hmu loa an lo ui ke tang rak ve mai mai laia Covid Medical Operational Team-ten rawtna tha mipui tana hlawk thlak an siam daih hian inenlet an ngaihzia a tilang hle,’ a ti.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy