Daily Newspaper

Sawrkar leh press mite thawhho dan tur sawi

22

Lawngtlai district bawrhsap Dr Andrew H Vanlaldika chuan Ningani khan Lawngtlai District MJA member-te kawmin, Covid-19 hrileng karah chanchinthar puanzar kawngah sawrkar leh chanchinbumiten thawhhona tha zawk an neih theih dan tur a sawipui.

Bawrhsap chuan state sawrkarin Covid-19 chanchintharte chu tualchhung chanchinbumiten an hriat zung zung theih nan ruahmanna siam tha a tih angin, tuna Lawngtlaia chanchinbumite leh sawrkar thawhhona chu, hei aia tha zawka kalpui ngaihna a awm loang, tih tur ni mahse, infinchhuah a, tan lak zual deuh deuh a ngai tiin a sawi.
Lawngtlaia chanchinbumite chuan an district chu hmun kilkhawr tak tak tamna, inbiakpawhna pawh hman harsatna hmun tam tak a awm avangin, heng hmuna hri kai hmuhchhuah zat angte Aizawla official-a report pek hnu ah chauh an hre thei thin chuan, an tuan a tih fum phah niin an sawi.

Lawngtlai bawrhsap chuan chanchinbumite chu sawrkar ai pawha thuthar hre hmasa fo leh thawh hlawk an nihnaah Covid donaah district-in a tangkaipui hle tih sawiin, sawrkar nena thawhdunna tha zawka a awm theih nan a rawtna an neihte pawh lo bawhzui nghal a tum thu a sawi a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy