Sawrkar laipui Ministry of Road Transport & Highways hnuaia National Highway 54 laih zauh hna thawh mekah chak zawka hna a kal theih nan ram neitu, zangnadawmna (compensation) la tawh, an ram la chhuahsan lo te leh, sawrkar ram lak chhunga in sa thar mekte hnenah sawrkarin ram a lak tawhte chhuahsan rang tura hriattirna lehkha (eviction notice) chu October 7 khan pek an ni.
He kawng sialna tura Competant Authority for Land Acquisition (CALA), Lunglei district bawrhsap Ramdinliani leh Hnahthial district bawrhsap Chuauhnuna te chuan ram neitute kalchilhin an pe a. Kawngpui sial nana compensation pek ngaite hi kum 2019 atang khan pek an ni tawh a, hmaih leh tihdik loh palh tlem hmabak la awm tih loh chu ram neituten an dawn tur ang an dawng tawh. Ram neitute hnenah hian NH Act 1956 Sec 3E (1) in thuneihna a pek angin CALA Lunglei district chuan kum 2019, 2020 leh 2021-ah an ram sawrkarin a lakfel tawhte ni 60 chhunga chhuahsan vek turin thupek a lo chhuah tawh a ni.
Heti chung hian tun thlenga compensation an lak tawhna ram la chhuahsan lo chhungkaw engemawzat an la awm a. Sawrkarin ram a lak tawh la chhuahsan lo an awm nual avang hian kawngpui siam hna kal lai a muan phah hle tih sawi a ni.
He thu hian sawrkar laipui beng thleng tawhin, Prime minister hoa state tin chief secretary-te thutkhawm turah sawi ho a ni dawn a ni. Sawrkar laipui thuneitute chuan CALA leh district collector tin te a ranglama hma la turin a hriattir a, hemi bawhzui hian bawrhsap pahnih-te chuan CALA Lunglei hnuaia awm heng khua – Bungtlang, Rawpui, Pangzawl leh Thiltlang khua tlawhin hriattirna an pe a ni.
Sawrkar ram lak chhuahsan turin ti
