Sawrkar scheme kalpui ho en
Sawrkar laipui Ministry of Rural Development hnuaia National Level Monitoring (NLM) chu Zirtawpni khan Saitualah district bawrhsap Dr Lalngura Tlau kaihhruaiin an thukhawm a. Khua an tlawh ho report an pe.
Bawrhsap chuan National Level Monitoring atanga lokal, NLM member pahnih – Shailesh Kumar leh Anil Sharma te chu an thawhrimnaah lawmthu a hrilh a. Khaw hrang hrang an tlawhna report-ah insiamthat ngaihna laiah theihtawp an chhuah tur thu a sawi a ni
NLM hian Saitual district-ah hian khaw hrang hrang – Phullen, Thanglailung, Luangpawn, Ngopa, Hliappui, Pawlrang, Buhban, Dilkhan, Lungpher leh Sihfa an tlawh a. Rural development hnuaia scheme hrang hrang – MGNREGA, DAY-NRLM, NSAP, PMAY-G, DDU-GKY, SAGY, PMGSY, PMKSY, SVAMITVA, DILRMP, RSETI leh Panchayat basic verification chu district-a kalpui a nih dan an endik a, report an thehluh tawh thu NLM member Anil Sharma hian a sawi a ni.
Thutkhawmah hian a kaihhnawih sawrkar official-te an tel a ni.
Sawrkar scheme kalpui ho en
