Sawrkar tha tihhlawhtlin tumin
kan kal zel dawn – Lalsawta
Tunhnaia inthlanah an party chu ti tha lo hle mah se, beidawng loin sawrkar tha tihhlawhtlin tumin an kal zel dawn tih Congress president Lalsawta chuan a sawi.
Thawhlehnia Congress Bhavan-a inkhawmah Lalsawta chuan Lunglei Municipal inthlan leh local council by election-ah ti tha lo hle mah se, Pathian kaihhruaina kawng reng reng kawng mam a awm ngai lo, tiin, “Beidawn rum rumna tur a tam mai. Pathian hnenah kawng mam dil lo ang u. Beidawng miah loin, kan goal, sawrkar tha tihhlawhtlin ngei tumin kan kal zel dawn,” a ti.
MPCC treasurer Pu Zodintluanga’n banna a thehluh chungchang sawiin, “Vice president Pu Lal Thanzara te, kan senior-te nen kan ngaihtuah ho anga, a banna pawm tur a nih leh nih loh chu kan sawiho anga, Mizoram mipui hriatah kan la puang ang. He harsatna kan tawh mek hi kan sawrkarna tur kawnga harsatna kan tawh pakhatah ngai ang u,” MPCC president hian a ti.
Party dangte ang bawkin harsatna an tawk ve tih a sawi a. Pathianin rem a tih phawt chuan mipui rawng bawl turin, mirethei zawkte khaichhuak turin a hungchhuak leh ngei dawn tih ring turin an party mite a chah a ni.
India ramah Congress kaihhruai sawrkar pianna chance a sang hle tih Congress hruaitu hian a sawi a. Opposition party lian zawng zawngin Congress kaihhruai sawrkar siam duhin hma an la a. Kum 2024-a Lok Sabha inthlanah Congress sawrkar a piang ngei dawn nia a lan thu a sawi. “Party dangten Congress hi an dingchhuak tawh dawn lo an ti thin. Mahse, khu lama zawmpui nei miah lote pawhin sawrkar an tum chuan keini chu hmabak duhawm tak nei kan ni zawk,” a ti.
Sawrkar tha tihhlawhtlin tumin kan kal zel dawn – Lalsawta
![](https://theaizawlpost.org/wp-content/uploads/tap_logo-min-large.jpg)