Daily Newspaper

Sawrkarin tanpuitute tan lawmman siam

15

2021 October 15 atanga hman tan turin sawrkar laipui chuan lirtheia chetsualna tawk, thih hlauhawma ding mekte tanpuitute tan lawmman a buatsaih a. He ruahmanna thar hming hi ‘Scheme for grant of Award to the Good Samaritan who has saved live of a victim of fatal accident’ tih a ni. Lirtheia chetsualna rapthlak (fatal accident) tawk, hmanhmawh taka tanpui ngaite tanpui a, nunna chhanhim tura inpe phal tura mipuite tihphurna pakhat a ni.

Sawrkar thuchhuak chuan, ‘Mi tupawh, lirtheia chetsual hlauhawm tak tawk (fatal accident) tuten tanpuina leh chhanchhuahna an hmuh thuai theih nana beitu, a hun taka damdawi in panpuia enkawlna an dawn thuai theih nana thawktuten he lawmman hi an dil thei a. Chetsualna hlauhawm tak (fatal accident) hian – hliam tuar, inzai pui (major surgery) hial tih zui ngai te, damdawi ina ni thum tal awmzui ngai khawpa hliam te, thluak lam hliam tuarte leh hnungzang ruh (spinal) hliam tuarte an ni,’ a ti.

Chetsualna tawk ten tanpuina an dawn thuai theih nan miin police hnenah a hriattir thuai a nih chuan, doctor-ten hliam tuarte an endik vek hnuah police-ten tanpui hmasatu hming, address, phone number leh thil tul dang chuanna leh tanpuina hna a thawh dan a ziahna tur siamsa hmangin a ziak ang a, District Level Appraisal Committee-ah a copy a thehlut ang. Chutiangin, tanpui hmasatu chuan hliam tuarte chu rang taka damdawi ina a hruai a nih chuan a va hruaina damdawi in chuan tanpuitu hmalakna chanchin chu police station-ah a thlen ang a, police station chuan a chung ami ang tho hian form awmsaah tanpuitu chanchin leh hnathawh dan a ziak ang a, District Appraisal Committee-ah a thehlut ang.

District Appraisal Committee hian lawmman dawng tlaka a ngaihte chu state level authority-ah a thawn ang a, state level authority chuan online hmangin lawmman Rs. 5000 thleng a pe thin dawn a ni, sawrkar thuchhuah hian a ti.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy