Mizoram state animal Saza kaptu nia sawi mi pahnih chu man an ni.
Thudawn danin, Khawzawl Wildlife Division thawktute chuan Champhai district-a Vapar khaw daiah saza tuai pakhat kahhluma mawhphurtu nia hriat Mungzua (35) leh Tinsuandam (58), Vapar khua ve ve nia inchhalte chu February 28 khan an man a. An silai pahnih leh sa zimna atana an hman ui pali an man tel.
Heng mi pahnih leh an thil mantel hi chief judicial magistrate Champhai District Court-ah kalpui niin, court thupek angin saza hi Nilaini khan DFO Complex Champhaiah district honorary wildlife warden Lalhlupuia’n a halral.
Saza hi Mizoram state animal a nih bakah ramsa humhalh bik zingah schedule-I ami a ni a. A ti natu, tihlumtute chu court-in thiam loh a chantir chuan kum thum chhung lung in tantir leh sumfai Rs. 25000 chawi theih a ni a, thiam loh chantir dan azirin tan hun chhung hi kum 7 thleng pawh ni thei a ni.
Saza kaptu mi pahnih man
