Kolasib district bawrhsap chuan an district huamchhunga tla lut saza no hruai lai humhalh chungchangah mipui hriattirna a tichhuak.
Kolasib DFO atanga thu an dawn angin, tunlai hian saza no hruai an awm a. Hei hi Mizoram state animal a nih angin nasa taka humhalh tul a a ni, tiin, ‘Ramsa humhalh hna hi Forest department mawh bik a ni mai loa; ami chengte hian kan duata kan humhalh a tul avangin sa pela nungcha leh ramsa kan neihte tihlum an awm chuan kum 3 atanga kum 7 lung in tantir leh Rs. 25000 aia tlem lo chawitira hrem theih a ni,’ a ti.
Kolasib district huamchhunga mipuiin nungcha leh ramsa humhalh kawnga theihtawp chhuah tura ngenin, VC leh YMA lamten ramvak emaw sa pela nungcha tirem zawnga vakchhuak emaw an awm chuan a rang thei ang bera DFO/ Police/ DC office-a report turin a ngen tih a sawi a ni.
Saza no hruai humhalh
