SBM (G) a hmalakna tur sawiho
Apex Committee of State Water and Sanitation Mission (SWSM) chu an chairman, chief secretary Khilli Ram Meena hoin Thawhtanni khan an thukhawm a. Swachh Bharat Mission (Grameen) Phase-II hnuaia kum 2025- 2026 chhung atana hmalakna tur, Annual Implementation Plan (AIP) chungchang an sawiho.
AIP ruahmanna atan hian cheng nuai 2549 chuang dah a ni a. Mizoram district 11 zingah 2024 December 31 thleng khan district 7 chu ODF Plus (Model) ni tawhin, kumin March tawp hi chuan district 8 neih beisei a ni a. 2025- 2026 plan atan hian a bak district 3 chu ODF Plus (Model) an nih beisei a ni.
Chutiang bawkin khaw 637-a khaw 569 chu ODF Plus (Model) ni tawhin, kumin March-ah khaw 51-a pung leh tura beisei a ni a; AIP-ah hian khaw 17 dah a ni. Hmalakna tur hrang hrang zingah vantlang ek in atana soak pit siam, tuihawk sawngbawl, bawlhhlawh khawnkhawmna leh paih leh sawngbawlna leh a dang hrang hrang a tel a ni.
Thutkhawmah hian a kaihhnawih department – PHE, LAD, Finance, I&PR, School Education, H&FW, P&PI, RD secretary leh an aiawhte an tel a ni.
SBM (G) a hmalakna tur sawiho
