Daily Newspaper

SC-in Manipur activist chhuah zalen tir nghal

41

Supreme Court chuan Manipur sorkar chu a Manipur activists Erenda Leichongbam-an a facebook post-a BJP leader coronavirus avanga a thih hnu lawka Covid-19 damdawi atana bawng zun leh ek a tha em tia zawhna siamtu thla hnih chhung hren a nih chungchangah insawifiah turin a ti.

Justices D.Y. Chandrachud leh M.R. Shah-te chuan State chu Leichongbam chu chhuah zalen nghal tur leh zan khat pawh Lung In-ah a awm tawh tur a ni lo a ti hmak bawk a ni.

Solicitor General Tushar Mehta, manipur sorkar aiawha ding chuan activist chu Apex Court order angin chhuah zalen a nih nghal thu sawiin “Rang takin kan chhuah zalen nghal a ni” tiin a sawi.

Mahse Justice Chandrachud chuan ‘hei hi thil serious lutuk a ni’ tia sawiin mimal zalenna rahbeh kaihhnawih a ni, a ti a. “Miin thla hnih chung a zalenna a hloh a ni a, a serious em a ni” tiin a sawi thung.

Mehta chuan activist chuan ‘dan tan chhanin a kal thei alawm’ tia sawiin thla fe hnuah an khing let chauh tiin a sawi thung a ni.

Advocate Shadan Farasat, Leichongbam-a pa L. Raghumani Singh aiawha ding chuan a client chuan ngen pahnih a neih thu sawiin pakhat chu May 17-a Imphal West District Magistrate-in man tura thupek a chhuah hnuhlet leh, pahnihna chu hren a nih avanga zangnadawmna tiin a sawi thung.

“Chuti chu eng vanga hren nge a nih a merit zawngin kan lak a ngai dawn a ni” tiin Mehta chuan a chhang let thung.

Justice Chandrachud chu inrawlhin, “Mahse, Mr Mehta, zangnadawmna hi petitioner duhthlanna a ni” tiin a sawi thung.

Farasat chuan, “Ni e, mawhphurhna tihchian a ngai” tia a sawi chu Mehta chuan chhangin, “Hetah hian thil dang daih tih a ni. petitioner hi tihpalh ni maiin a lang” tiin a sawi. Farasat chuan Manipur sorkar chuan preventive detention provision case hrang hrangah hman an uar hle thu sawiin Facebook post siam pawh Covid-19 tihdam nana bawng zun leh ek tihlar tum sawiselna mai a ni a. NSA provision khauh tak hi activist free speech hmehmih nana hman a ni tiin a sawi.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy