Supreme Court chuan Delhi Excise Policy case a money laundering charge avanga trial awm hauh lova lung ina thla 17 tang tawh Delhi Deputy Chief Minister Manish Sisodia hnena bail a pekah Central Bureau of Investigation leh Directorate of Enforcement te chu ‘nitin hi mimal zalenna atana pawimawh a ni’ a ti.
Bench of Justices B.R. Gavai and K.V. Viswanathan te chuan speedy trial leh personal liberty te chu ngaihpawimawh ber tur an ti bawk a. Bail chu hremna anga kalpui tur a ni lo a ti bawk. State porosecution agency emaw court pawhin thil tisuala puhin ‘right to speedy trial’ an humhim sak thei lo a nih chuan a thil tihsual chu a serious tih vang ngawtin bail an khapsak thei lo a ti bawk.
Apex Court chuan Sisodia chu Directorate of Enforcement (ED) leh Central Bureau of Investigation (CBI) case ah bail pe in Rs 10 lakh bail bond pe turin a ti a. Aam Aadmi Party leader chuan a passport surrender thungin Thawhtan apiangin police station ah a inlan a ngai thung.
Justice Gavai chuan ED/CBI tena tawngkaa Sisodia chu Delhi Secretariat tlawh thei lo tura an ngenna chu hnawlin Court chuan Sisodia chu society a thuk taka inhmang a ni a, tlanbo emaw witness te thunun emaw evidence tihchingpen tum tur chi a ni lo a ti.
“Tiamchin awm lova speedy trial beiseia Sisodia hren reng hi Article 21 of the Constitution hnuaia fundamental right to liberty bawhchhiatna a ni” tiin Justice Gavai chuan a sawi bawk.
Court chuan engti kawng mahin rang takin thubuai chu chinfel a ni ngai dawn lo a ti a. Prosecution lam ten witness 493 an chhawp chhuak a, document enfel tur nuai khat chuang a awm a, case a document inhnamhnawih ringawt pawh 1000 chuang a ni a ti bawk a.
“Thil tisual ngei tih pawh finfiah a nih hmaa bail pawh phal lova lung in tantir hmanga inhrem chu phal a ni lo” tiin Justice Gavai chuan a sawi bawk a.
Bench chuan Supreme Court chuan trial leh High Courts te hnawl ‘open-and-shut’ bail case chinfel tur a ngah lutuk ti bawkin ‘bail is the rule and jail an exception’ tih principle chu bawhchhiat a ni a ti bawk a.
Sisodia hian a hma in bail tum hnih a dil hlawhchham tawh a. A hmasa ber chu nikum October 30 khan niin apex court chuan a bail dilna hnawlin mahse speedy trial erawh kalpui tur a ti thung a. Probe agencies te pawhin chak taka kalpui intiamin thlaruk atanga thlariat velah an zawh theih tur thu an sawi a ni.
A tum hnihna chu June 4, 2024 khan niin Supreme Court chuan Sisodia chu interim bail a hnawlsak leh a, mahse final chargesheet peihfel a nih veleh bail a dil leh theih thu a sawi thung. Solicitor General chuan court hnenah July 3 hma in emaw hnuah emaw final chargesheet an peihfel ang a tih vang a ni a. Chargesheet pariatna chu trial court ah June 20 khan filed a nih hnuah Sisodia chuan bail a dil leh thei ta a ni.
Agencies tena Sisodia chuan a trial tihkhawtlai nan chhuan lam dawrawm siamin trial court-ah dilna a thehlut nasa an tih chu Justice Gavai chuan chhangin CBI case ah application 13 leh ED case ah application 14 a thehlut a. A thenah chuan a nupui damlo tlawh a dilna te, document bo chungchang te a ni a. Trial court in chung dilna te chu a phalsak vek a, trial court in a dilna chhuanlam dawrawm te te tihsak a nei lo tiin a sawi bawk.
Top court chuan thla thum chhungin Sisodia legal team te chuan CBI leh ED te document pholan phek 69000 chu an enchhuah hman tlat a, trial tihkhawtlai tumna tihtheih a ni lo a ti bawk.
AAP leader chu CBI ten February 26, 2023 khan ‘scam’ a inhnamhnawih tiin an man a, ED ten money-laundering case kaihhnawihah an man bawk a ni.
SC-in Manish Sisodia bail-in chhuah
