Daily Newspaper

Schmeichel record chawhchhiat vanga De Gea thupha chawina

35

Ningani Premier League inkhel pakhata Manchester United-in sithum faia Aston Villa an hneh tumin David de Gea chuan ramdang player zinga Old Trafford club tana khel hnember ni reng thin Peter Schmeichel-a record a kh<m a, MUTV kaltlangin thuph^ a chawi!

Spanish goalkeeper De Gea hian English football-a team hlawhtlingber United tan match 399 a khel tling chiah a, United legend Schmeichel-a mellung lo phun tawh pawh-phawi saktu a nihna zawnah inthiamlohna a neih thu sawi-chhuakin, r<kru teh ch^wkah a inchan a, “Sorry to Schmei-chel,” tiin thuph^ a chawi!

Kum 29 mi De Gea hian kum 2011 khan Atletico Madrid atangin United a zawm a, ramdang player zinga khel hnember Schmeichel-a record dinglai a chawkchhe ta a ni.

Spaniard hian UK chhung leh pawn sawi loa United tana game khel hnem ber Ryan Giggs-a record (963) tluk tur erawh chuan kawng thui tak zawh a la ngai a, kum 30 a tlin chhoh ve mai tawh dawn avangin Old Trafford-a a career pumpui hmang zo Welshman record ding lai erawh paltlu zo tura beisei a har deuh ang.

Red Devils shot-stopper chuan Schmeichel-a record a break chungchanga thupha a chawi rualin a huntawn chu ropui a tih thu a sawi a, “Ka huntawnin a entir chu he hmunah hian ka ch^m rei ve ta viau a, heti chen top level-a ka khel thei hi ka chhuang a, he club tana game tamtak ka khel thei hi ka hlim takzet a ni.

“Beiseinain game 400 thleng ngei turah inngai ila, ka hlim em em a ni,” a ti.

Villa laka an chak rual khan Manchester United hi Premier League club zinga goal thum leh a chunglam chin thun chunga league game hnehna vawili chang z^wn thei hmasaber an ni a, top four an hnaih chho zel a ni.

Tun dinhmunah Red Devils hi point khat chauhin table-a palina luahtu Leicester City nen an inthlau tawh a, Sou-thampton hmachhawn tura an inbuatsaih leh mek laiin De Gea chuan club-in game-ah chauh insawrbing zui zel an mamawh thu leh tunlaia an chetthat tluan m>kna lam chu inthlamuantir chi a nih loh thu a sawi a, tun dinhmunah inrintawkna sang tak nei bawk mah se an tum ber an la hlenchhuah loh thu leh an hma lawkah inkhel pawi-mawh tak tak hmachhawn tur an la neih thuin a team-mate rual a fuih a, an game hnuhnung palia an khelh ang chiaha hmabak an la neihah pawh khel zui zel thei tura insawrbing an mamawh thu uar takin a sawichhuak.

De Gea hian tun season United goal-ah chetfuh leh chetthat a fawmkem chho nawk nawk a, thla hmasa maia Tottenham nen sikhat ve ve thuna an inhnehtawk tum khan club legend Roy Keane-a sawisel pawh a lo t^wk hial tawh a ni.
=============

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy