Scho’ la dawn loh thu Union MoS-ah lo thlen
Mizo Students’ Union hruaitute chuan Mizoram rawn tlawhtu Union minister of state for Minority Affairs George Kurian chu Inrinni khan an hmu a a, tribal scholarship dawng tur ten an la dawn kim loh thu an lo thlen.
MSU Gen. Hqrs. hruaitute chuan, Tribal Scholarship 2024, 4th installment – cheng nuai 870 chu tun thlengin sawrkar laipuiin sum a la pek loh avanga scholarship la lo an awm thu leh scholarship an dawn tlai thin avanga zirlaiten harsatna hrang hrang an tawhte thlenin, hma lakpui turin ziakin an ngen.
MSU chuan Mizoram-in online exam center a neih that loh avanga CUET leh UGC-NET exam bakah online exam hrang hrang, state pawna exam a ngaih thin avangin harsatna a awm thin tih an thlen a. Mizoram state-in online exam center lian tha tak leh changtlung tak a neih theihnan hma lakpui turin an ngen.
Union MoS for Minority Affairs chuan MSU hruaitute thil thlen chu a ngaihpawimawh thu leh theihtawp a chhuahpui tur thu a lo sawi a ni.
Scho’ la dawn loh thu Union MoS-ah lo thlen
