Scho’ pe thuai turin MNF-in phut
Mizoram sawrkarin zirlaite scholarship tur central-in a pekchhuah tawh chu a hreng khawtlai niin MNF party chuan an sawi a. Pechhuak thuai turin sawrkar an phut.
MNF Gen. Hqrs. thuchhuak chuan, zirlai tam takin an mamawh leh an innghahna, scholarship sem chhunzawm loin a khaihlak nia sawiin, a changtu minister ber che chhuak loa, zirlai pawl chetchhuah ngaia a awm chu thil zahthlak tak a ni tih a sawi. Zirlai pawl hmalakna anga sum pawh central atanga pekchhuah a nih tawh lai a, a dawngtu tur zirlai, mamawh ngawih ngawihtute hnena sem chhunzawm a la ni lo cheu chu sawrkar inthlahdah vang a ni tih a sawi a. A rang thei ang bera zirlaite hnena central atanga an sum dawn tawh chu pechhuak turin an phut tih a sawi a ni.
State sawrkarin a tum ve tur a tihfel har avanga zirlaite tawrhna chu chingfel thuai turin an phut tih MNF hian sawiin, mipui hnena inthlahrung hauh loa chhiah sang tak tak an lak belh laia mamawh hnena pekchhuah tur an pechhuak hreh tlat chu Mizoram sawrkarin mipui leh zirlaite a ngaihthah zia tichiangtuah an ngai tih a sawi a ni.
Scho’ pe thuai turin MNF-in phut
