Science Teachers Association Mizoram (STAM) leh Aizawl District Samagra Shiksha buatsaihin Ningani khan Aizawlah Children’s Science Congress Sensitization Workshop neih a ni a. Resource rerson-ah national level CSC evaluator Mizoram atanga tel Dr Krista Roluahpuia hman a ni.
Session khatnaah June 17-a STAM leh MISTIC tangdunin pawl 8 leh 10 tan 2nd Science Competition an buatsaiha state level ranking lawmman dawngtute hnenah lawmman sem a ni a. Session hnihnaah hian CSC sensitization workshop neih niin, resource person hnen atangin Children’s Science Congress that leh tangkai zia bakah zirchianna pawimawhna a sawi a ni. Workshop-ah hian school hrang hrang atangin zirtirtu 41 an tel a ni.
2nd Science competition-ah hian pawl 10-ah Nixon Unawh Syhlyh, Don Bosco School Siaha chu pakhatna a ni a, pawl 8-ah Abednego Lallawmawma, Mount Carmel School Aizawl chu pakhatna a ni.
Science Congress tangkaina inhrilh
