Sean ‘Diddy’ Combs bail dilna an hnawl leh ta
May ni 5, 2025-a a chungthu rel hun nghaka Metropolitan Detention Center-a awm mek, rapper Sean ‘Diddy’ Combs-a’n bail a dilna chu a tum thum nan court-in a hnawl sak leh ta.
Diddy legal team ten Metropolitan Detention Center, Brooklyn, New York atanga bail a chhuah dilna hi a vawi thum nan an theh lut leh a, mahse, judge-in Diddy chhuah lailawk chuan til tha lo zawk a thlen thei tiin bail dilna a hnawl leh ta a ni.
Diddy hi sex trafficking leh sual rawngbawl tura a huhoa chetna huaihawt thin a puh niin, September ni 17, 2024 khan thuneitu ten an man a, heta tang hian Metropolitan Detention Center-ah hian dah a ni zui ta a, May ni 5, 2025-a a chungthu an rel tan dawn a ni. Diddy ukil Marc Agnifilo chuan heng puhnaah te hian Diddy hian thiam lohna a nei lo tiin tan a khawh a, a chungthu an rel tan tak tak ma chu Manhattan-a a chenna inah Diddy hi lo awmin, private security company, Patriot Security ten veng se, phone hmanga a ukil chauh a biak phal sak ni, a fate Quincy, 33, Justin, 30, Christian “King,” 26, Chance, 18, phir Jessiel eh D’Lila, 17 bakah Love Sean, thla 23, ten a chennaah tlawh thei bawk se, tiin bail dilnaah hian a tarlang.
Mahse, sorkar ukil lamin Diddy hian a sum leh pai leh thil tihtheihna hmanga thil a tihbuai theih dawn avangin bail phal sak lo turin an ngen ve tung a, thuhretu te lo tihlungawi leh vau te bakah amah pawh a bikbo mai a hlauhthawnawm tiin tan an khawh ve thung a ni.
Sean ‘Diddy’ Combs bail dilna an hnawl leh ta
