Seat 25 chunglam kan inring – Zoramthanga

MLA inthlan neih turah seat 25 chunglam an lak a ring tih MNF president Zoramthanga chuan a sawi.
Zirtawpni khan Zoramthanga hian November 7-a MLA inthlanah a bial ngai Aizawl East-I a ding leh turin nomination a file a. Nomination a file zawha media mite zawhna chhangin tan lehzual deuh ngai mah se, a hma aia tamin a bialah a tlin leh a ring tih a sawi. Mizoram pumah pawh chakna an chan leh ngei an beisei tih sawini, “Harsatna hrang hrang kara kan hmalakna hi mipuiin tha an tiin kan hria a, keini pawhin engtin nge kan tih theih zawk ni kan ti,’ a ti.
Seat an lak zawt zawhna chhangin MNF president chuan, seat 25 chunglam an lak a ring tih a sawi a. Congress nge ZPM an khingpui tur zawk zawhna chu, “ZPM an tha deuh zawk,” a ti.
Rahul Gandhi-a’n ZPM leh MNF chu Mizorama BJP leh RSS rawn luhna kalkawng tih a sawi chungchangah Zoramthanga chuan, party dang chu a sawi sak thei loa, MNF chuan RSS nen inzawmna pakhatmah a nei lo. Central-ah Congress lama an tel duh loh avangin NDA an zawm ta mai zawk tih a sawi bawk.