External Affairs minister S. Jaishankar chuan tun thla ni 3 atanga ni 7 chhung khan Australia ram tlawhin, a cham chhung hian ram pahnih thawhdun theihna tur hrang hrang a ngaihtuah.
Australia prime minister Anthony Albanese nen nilaini khan inkhawmin, ram pahnihin inkungkaihna nghet zawk leh tha zawk bakah, inpuihtawn theihna tur an neih chungchangte an sawi dun a, Jaishankar hian prime minister Modi-a chibai bukna Albanese hnenah hian a thlen bawk.
Australia PM nen an inkawm hma hian Jaishankar chuan Liberal Party of Australia hruaitu Peter Dutton hmu bawkin, khawvel thila ngaihdan inang an neih chungchangah leh ram pahnihte inzawmna an thlawp that avangin lawmthu a sawi bawk a ni.
Australia a cham chhung hian Jaishankar chuan New Zealand deputy prime minister leh foreign minister ni bawk Winston Peters a hmuh thu sawiin, zirna bakah, technology, agriculture leh mipuite inlaichinna chungchangte an sawidun thu a sawi a, Indo-Pacific leh khawvel thil thleng hrang hranga ram pahnih ngaihdante inpawh taka an sawidun thu a sawi.
Jaishankar hian UAE deputy prime minister leh foreign minister Sheikh Abdullah bin Zayed Al Nahyan nen an inkawm thu leh, a thianpa a nih thu bakah UAE nen inkungkaihna nghet zawk neih zel dan tur an sawi thu a sawi bawk a ni.
Seat lakna kan thlahthlam dawn lo – Congress president
