Adani group of company ten stock price manipulation an ti nasa tia Hiddenburg Research tena an puan atanga thla 18 ralah US-a inbun short seller te chuan August 10, 2024 khan India stock market regulator chairperson ber stock market manipulation a awm em tih te chhui chiangtu ber chuan ‘Adani money siphoning scandal’ tiha offshore entities ah stake a lo nei ve reng an ti.
Whistleblower document an neih hmangin Hindenburg Research te chuan Securities Exchange Board of India (SEBI) chairperson Madhabi Puri Buch a pasal Dhaval Buch te chuan offshore Bermuna leh Mauritius ah stake an lo nei ve reng a ti a. Kum 2017-a SEBI member atana ruat a nih hma lawk karah, Dhaval Buch chuan Mauritius fund administrator chu account khawih theitu awmchhuna dah turin a ngen tiin Hindenburg te chuan an tarlang bawk.
February 26, 2018 a Madhabi Puri Buch private e-mail account a account statement inziah langah chuan IIFL Global operate na hnuaia ‘Global Dynamic Opportunities Fund Ltd.” (GDOF) hnuaia an stake fund “GDOF Cell 90 (IPEplus Fund 1)” tih hlut lam chu $872,000 tiin tarlan a ni bawk a.
Madhabi Puri Buch chuan a hma niin private e-mail account hmangin India Infoline (IIFL) hnenah a pasal Dhaval Buch chu GDOF ah 100% redeem a duh tiin a thlen tiin tarlan a ni bawk.
GDOF Cell 90 chu Hindenburg te chuan Mauritius-registered cell Vinod Adani, Gautam Adani unaupain a hman nen thuhmun reng a ni a, Adani group a in-report zel an ni, a ti bawk.
“SEBI te hian an chairperson inhnamhnawihna chu an chhui duh lo,” tia sawi bawkin tun thlengin SEBI te chuan IIFL te operate ni ngei angaih Adani shareholder rinhlelhawm te pawh an la chhui lo zel a ni an ti bawk a.
Buch leh a pasalte chuan puhna an tawn te chu behchhan nei lo tiin an hnawl thu an sawi thung a, intihhmingchhiat tuma hmalakna a ni an ti bawk.
Hindenburg te chuan SEBI chief chuan kum 2013 a din offshore Singaporean consulting firm Agora Partners ah 100% interest a nei reng a, March 2022 khan a pasal hnenah a transfer thung an ti bawk a. Chutih lai chuan a pasal Dhaval Buch chu Unilever a chief procurement officer niin real estate emaw capital market lamah tawnhriat la nei miah lo a ni chungin globalprivate equity firm Blackstone senior advisor atana ruat a ni an ti bawk.
Blackstone te chuan India-ah investment lian tham tak kalpuiin SEBI chief a nih anga Madhabi Puri Buch in a March 2022 atanga a champion pui real estate investment trusts (REITS)an sponsor nasa hle bawk. Madhabi Puri Buch chuan REITs chu ‘a favourite product’ tia sawiin investor te chu investment ti turin a ngen a, chutih ruala a sawi lan loh chu asset class thilah te Blackstone chuan hlawkna an tel nasa ber ber dawn tih a ni.
Hindenburg te chuan Indian firm pakhat Agora Advisory, Madhabi Puri Buch in 99% stake a neihna leh a pasal director nihna an tarlang bawk a. “Kum 2022 financial year tawp rual khan Agora Advisory te chuan consulting atangin Rs 19.8 million an hmu” tiin a tarlang bawk a, chu chu Madhabi Puri Bunch in SEBI a a hlawh let 4.4 a tam a ni tiin tarlan a ni bawk.
Hindenburg Research te chuan, “Heng thil avang hian Adani kaihhnawih thilah SEBI chu thu lai la theiah kan ngai lo va. Kan thil hmuhchhuah hmang hian chhui chian tur a awm a ni, langtlang taka thiltih a nih kan beisei” tiin an tarlang bawk.
SEBI chief leh a pasal puhin awm mek
