Secretary-ah IAS tam ber

Mizoram sorkar hnuaiah secretary an awm a, department hrang hrangte hi secretary-in an enkawl thin. Secretary-ah chuan a tam ber chu IAS an ni.
Mizoram sorkar hnuaiah secretary post hi 33 a awm a, department chu 33 aia tam daih a awm. Secretary-in department pakhat aia tam te an enkawl thin avangin, department leh secretary post hi a inzat kher a ngai lo ang.
Mizoram sorkar hnuaia secretary post-te hi cadre hrang hranga then a ni a, IAS cadre-in post hi an chang tam ber. IAS hian post 13 an nei a, Mizoramah hian IAS post liau liau, IAS chauhvina an thawh tur a awm nual hrim hrim. Secretary chauh ni lovin, school education department director post te pawh IAS post a ni.
IAS dawtah MCS cadre-in post an chang tam leh a, anni hian secretary post pali an nei.
Cadre dang panga a la awm a, MSS-in post pahnih an nei a, cadre dang palite chuan secretary post pakhat theuh an nei.
Mizoram Judicial Service (MJS) cadre-in post pakhat an nei a, hei hi deputation a ni. MPS, MSS, MF&AS leh MES te’n posy pakhat theuh an nei.