Selena Gomez leh Benny Blanco innei

Selena Gomez leh Benny Blanco innei
Selena Gomez, kum 33, leh Benny Blanco, kum 37 te cuan September ni 27 kan California-ah “tiam tlat e” an ti ta. An inneih thu hi Gomez hian inneih thlalak romantic tak tak leh video clip nen social media lamah a tarchhuak nghal a ni.
Zaithiam leh lemchan thiam, Selena Gomez hian Ralph Lauren halter-style dress a ha a, Blanco bowtie a siamthat sak leh, Blanco hmai a chul sak lai thlalak leh an inchuks lai thlalak te pawh Instagram-ah a dahchhuak a, a caption-ah “9.27.25” tih dain white heart emoji a dah tel bawk. Selena post hi Blanco pawhin comment-in, “a tak taka ka nupui,” a ti.
Selena leh Blanco te hi kum khat vel zen zawn an inzui hnua December 2024 khan an inhual a, tunah chuan nupa an ni ta. An pahnih hian 2019 khan “I Can’t Get Enough’ hlaah an lo thawk dun tawh a, 2023 khan ‘Single Soon’-ah an thawk dun leh bawk.
September ni 27-a an inkutsuih hmain, Zirtawpni, September ni 26 khan mo lawm aitechhinna ang deuhin rehearsal dinner an nei a, he dinner hi private estate-ah neiin, an thiantha leh chhungkhat laina hnai tak tak chauh an awm.
Selena leh Blanco te inneihnaah hian mi 300 vel bawr chauh an sawm niin report a awm a, mo lawmna an neihna tur pawh hi privacy thilah puanzar a ni lo a, mo lawmna tel tura an sawmte pawh a hmun tur hrilh lawk lovin an hruai thleng vek niin report a awm a, an sawm zingah Selena thiantha Taylor Swift a tel a, mahse, Swift-i pasal hual Travis Kelce erawh mo lawmnaah hian a tel lo niin report a awm bawk. Swift bakah Paris Hilton leh Selena-i’n ‘Only Murders in the Building’-a a chanpui Steve Martin, Martin Short leh Paul Rudd te pawh an tel.