Selena leh Hailey an inngeih tawh!
Kum tira social media a chawlhsan lawk karah Selena Gomez leh Hailey Bieber te inkara neuh neuh awm chungchangah Selena Gomez chuan Instagram Story-ah a fan-te chu inbengdai turin a ngen.
Hailey hi Selena ‘ex’ Justin Bieber nupui a ni a, tunhnaiah Selena nen an inkarah neuh neuh a rawn irh chuak thar leh a, hetiang boruakah hian Hailey hian thaha vauna hial a tawh tu Selena hi a hriattir ta a, chumi hnuah Selena chuan, “Hailey Bieber-i’n ka hnena a thu thlen hi, thaha vauna leh huatna thu a dawng mawlh mawlh mai. Hetiang hi ka duh zawng a ni ngai lo. Tuman midangte huat rawn leh tinawmnahna an tawk tur a ni lo. Ngilneihna hi ka tlangaupui thin anih ang ngeiin, hei hi tawp nghal turin ka duh a ni,” a ti.
Selena Gomez hian social media a rawn khawih leh tan hnuah Instagram-a hmeichhe zinga follower maktaduai 400 nei tling thei hmasa ber a rawn ni nghal a, “Khawngaih takin ngaineihna i tlachham lo ila, midang te rilru hriselna tibuai thei turin i awm lo ang u. Thinlung rit takin ka awm tawh thin a, midang tan thil tha chauh ka duhsak a ni. Hmangaihna zawng zawng nen,” a ti.
Hailey Bieber pawhin Selena-i’n a thlavang a hauh sak avanga lawmthu sawiin, “A rawn au chhuah avangin Selena hnenah lawmthu ka sawi, ani nen hian tun kar hnih khat chhunga thil thleng hi kan sawi dun a, kan inkar thua inhnialna hi kalsan dan tur kan sawi a ni. Tun kar hnih khat chhung hi he thilin a nghawng phak zawng zawng te tana hun harsa tak a ni a, a chheh vela inhuatna mi maktaduai tam takin an hmuh te hi a tha lo takzet a ni,” a ti ve bawk.
Hailey chuan social media chu midang te nana inthlunzawmna leh inpawh tlanna tur a nih laiin hetiang boruak neuh neuh hian mi phuar khawm aiin a thendarh zawk niin a sawi a, “Eng thil nge kan post tih hi kan ngaihtuah chian a ngai a, keimah pawh tiamin. A tawpah chuan huatna aiin hmangaihna a dingchang leh zawk nge nge thin” a ti bawk.
Selena leh Hailey an inngeih tawh! Selena leh Zayn an ri rêt rêt
![](https://theaizawlpost.org/wp-content/uploads/2023/03/se-1.jpg)