Daily Newspaper

Selena Rare Beauty-in mental health atan $100M tuak an tum

36

Selena Gomez-i make up company Rare Beauty chuan Rare Impact Fund chu July ni 22, Selena piancham vawi 28-na lawmnan an din a, mental health service lama hman turin dollar maktaduai 100 tuak ngah an tum.

He fund-ah chuan Rare Beauty-in an kum khat inhralhna atanga 1% an chhung lut zel ang a, hei bakah hian an thawhpui hrang hrang ten fund an dawn te an chhung lut zel bawk ang a, kum 10 chhungin dollar maktaduai 100 hi tuak ngah hman an tum dawn a ni. Hetiang zat hi an tuak ngah theih hunah chuan mental health lama pawl anga hmalakna lian leh sum thawh tam ber an ni thei dawn a ni.

Gomez chuan thuchhuah siamin, “Rare Impact Fund puitlin theih nana thawhpui tha tak tak ka nei hi ka lawm takzet a ni. He brand hi kan din tirh atangin khawtlang tana eng emaw tak pek let ve theih leh mental health service lama midangte tanpui ve theih kan duh a, chu chuan ka nunah pawh nghawng lian tak a nei a ni. Rare Beauty hian midang te nena inpawhna tha nei a, nun khawharna laka midangte hnuhchhuah hi a tum pakhat a ni. He Rare Impact Fund hian mi tam tak nunah nghawng a nei ngei dawn a, khawvelah danglamna a thlen ngei ang. |anpuina mamawh te tana kan pen chhuah ve theihna tura kan thawhpui zawng zawngte ka chhuangin, an zinga ka tel ve hi ka lawm hle a ni,” a ti.

Rare Beauty hi Gomez-i’n February thla kaltaa a din kha a ni a, “Mahni nihnaa lawm thiam hi kan tum ber a ni,” a ti. Hemi pual hian a studio album pangana pawh a hmingah ‘Rare’ tih a hmang a, Billboard 200 (albums) chart No.1-ah a debut nghe nghe a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy