Daily Newspaper

September 15 ah Israel leh UAE ten inremna ziak dawn

32

US President Donald Trump huan September 15 ah Israel leh United Arab Emirates tena inremna an neih hming ziah hnanna tur chu a thleng dawn niin senior White House official chuan a sawi.

August 13 khan inremna hi puan tawh niin White House in a puang a, thla 18 chuang inbiakna neih a nih hnuah Gulf state chuan Israel nena inlaichinna siamthat a rem ti ta a, Israel pawhin West Bank annex belh a tum chu a thulh ta bawk.

He inremna ziahnaah hian Isarel Prime Minister Benjamin Netanyahu leh UAE Foreign Minister Sheikh Abdullah bin Zayed al-Nahyan te chuan palai te an hruai ve ve dawn niin sawi a ni a.

Karlehah Washington-ah President Trump sawmna a, Israel lehUAE tena peace treaty ziahnaa ka tel thei tur hi ka lawm a ni,” tiin Netanyahu chuan Twitter-ah a ziak a.

Trump leh administrative officials te chuan Saudi Arabia leh ram dang te pawhin Israel chu ram anga an pawm zui an beisei thu an sawi bawk.

Trump senior adviser Jared Kushner leh administration officials te chuan karkalta khan Israel atanga UAE a thlawhna thlawklut hmasa berah an chuang bawk.

Iran chuan inremna hi hnawl thungin UAE, Israel leh United States te chu Middle East buaina siamtu tiin a sawi thung.

Middle East peace plan US-in a siam erawh pawm theihin a la awm lo thung a. White House plan siam hian Israel a duhsak lutuk tiin Palestinian te chuan an sawi thung a ni.

(THE AIZAWL POST – Rampawn)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy