Mitthi puala Kut hman thin Mim Kut chu Mizoram sawrkar ruahmanin tharthawh tum a ni a, September 29 hian hman a ni ang
Social Welfare & Tribal Affairs minister Er Lalrinawma hoin State Level Steering Committee for Celebration of Mim Kut chu Thawhtanni khan an thukhawm a. Kumina ‘Mim Kut 2023’ hman dan tur leh a kaihhnawih thil pawimawh an rel.
Mizo pipute Kut pawimawh zinga pakhat, Mim Kut chu tun hnuah hman ni tawh lo mah se, hnam nunphung leh ziaranga tel a nih avangin kuminah sawrkar hmalakna in hman thar leh nise, tia rel tawh angin, ‘Mim Kut 2023’ chu September 29-a hman rel a ni.
Mim Kut 2023 pual hian logo siam intihsiak, sawihona buatsaih, chhungkaw tinten an hmangaih kalte thlan siamthat/ cheithat leh chawhlui kilhote theih ang anga hman nise tih rel a ni a. Mim Kut denchhenin Riangvaite Thlanmual Zemabawk ami tihfai leh cheithat rel a ni a. Mim Kut 2023 hmanna pui ber chu Vanapa Hall Aizawlah nghah a ni dawn a, he huna tel turin Ministry of Tribal Affairs leh state hrang hranga Tribal Affairs department aiawhte bakah Mizorama Zohnahthlak hrang hrang leh hnamdangte pawh sawm nise, tiin an rel.
September 29-ah Mim Kut
