Serchhip DC pisa
thawktute inzir thar
Serchhip district bawrhsap pisa-a officer-te leh thawktu dangte chu Nilaini khan intuaitharin soft skills and communication training an nei.
Bawrhsap Paul L Khuma chuan an piasa-a officer leh staff-te thawhpui nuam a tih thu sawiin, an tih tur leh mawhphurhna tha taka hlen thin mi an nih rualin, tute pawh hi intuaithar a, inzirthar ngai kan ni a; thlen chin atanga hmasawn tura intuaithar nachang kan hriat loh chuan kan hnathawh thinte ngaiah neiin, hmasawn chuang loa kalphung pangngaia kal pet pet reng theih a ni tih a sawi. Soft skill leh communiation training an neih chu intuaitharna hun remchang a ni tih hria a, an thil zir uluk taka vawnga nunpui turin a fuih.
Soft Skills and Communication certified trainer Jacinta Colney chu resource person niin, Serchhip bawrhsap pisa-a thawktute an tel a. Pisa-a thawhhona boruak tha siam dan, pawnlam atanga dawrtu mipui mimir dawnsawn dan, hruaitu tha ni tura thil pawimawh, hun vawn dik leh thiam, harsatna a thlen thulha boruak tha siam dan, sawrkar leh mipui rawng an bawlna kawnga thil thar tha zawk ngaihtuah chhuah dan, hawihawmna leh awm dan mawi, mihring nunphunga thil pawimawh hrang hrang an zirho a ni.
Serchhip DC pisa thawktute inzir thar
