Daily Newspaper

Serchhipah sangha note sem

39

District Fisheries Development Office, Serchhip chuan a thawhhnihna atan Zirtawpni khan Serchhipa sangha dil neitute hnenah sangha note an sem.

Sangha chi an sem hi IMC leh Exotic Carp sangha note an ni a, 70% subsidy rate-in sangha chi pakhat Rs.1.20 zela hralh a ni. Sangha dil neitu pakhat zelah sangha note 500 pek an ni a, a latute hi an vaiin mi 93 an ni.

Serchhip Circle chhunga sangha note semchhuah hi a vaiin 46500 a ni a, heng sangha note hi SEDP scheme hnuai atanga sem niin, tunkar tirlam khan Thenzawl leh Tuikum Circle-ah a note 118600 sem a ni tawh bawk. Karleh lam khian Hrangturzo Circle lamah sem chhunzawm leh tum a ni.

Sangha dil nei zingah sangha chi lei tur chang lo engemawzat an awm a, Serchhip District Fisheries hotute chuan sangha chi ah Mizoram ala intodelh loh deuh avangin Mizoram sawrkar chuan sangha chia kan intodelh theihnan theihtawp chhuahin hma a la mek tih an sawi a. Tunah hian Serchhip district bik tan department chuan Thenzawl Fish Farm-ah leh mimal ta LV Fishseed Farm-ah te sangha note tam zawk tharchhuah tir tumin hma lak mek a ni, tiin, nakum lamah chuan sangha chi kan intodelh theih tawh an beisei tih an sawi a ni

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy