Champion tura rinkai Serena Williams chuan nimin khan 6-2 6-4-a Russian Margarita Gasparyan hnehin US Open third rounda lut a, Arthur Ashe Stadium chungkhuh hnuaiah harsatna lian tham a t^wk lo.
Vawiruk champion tawh Serena hian world number 117 lakah set khatna chu harsa lo takin a la mai a, set hnihnaah erawh Russian a tang ve thei hlek a, mahse, record ding lai tluk tum urh American mihang lakah awmze nei thamin tan a khawh zo lo.
Kum 38 mi Serena hian a chipui Sloane Stephens lakah fiahna lian zawk a hmachhawn dawn a, a tumpui tur hi 2017 champion ngat a nih ve tlat avangin kum 2014 hnu lama US Open title hawn leh ngai ta lo Williams naupang zawk hian a khelh that theih ber hun a sawmkhawm ngei a ngaiin a rinawm.
Ningani hnehna kha Flushing Meadows singles inelna bika Serena match 103 chak tlinna chiah niin, tunkar tir lam khan chak tam ber ni thin Chris Evert-i Open era record (101) a lo kh<m tawh a, tunah hian Grand Slam singles title la hnember ni mek Margaret Court-i record ding lai (24) tluk tumin a bei leh mek a ni.
(THE AIZAWL POST – Infiamna)
Full>> ePaper Subscribe
