Shaboozey hla hit ‘A Bar Song (Tipsy)’ chu Billboard Hot 100 (singles) chart-ah a No.1 a, he chart-ah hian a zawn ni lovin kar li a No.1 tling ta a, a hla he chart-a No.1 ni rei thei ber a la ni.
Billboard Hot 100 chart hi kar khat chhunga US-a hla lar dan tehna niin, chart ranking siam nan hian all-genre US streaming (official audio leh official video), radio airplay leh sales data te chu tehna pawimawh a ni. Shaboozey ‘A Bar Song (Tipsy)’ hian kar khat chhungin radio airplay maktaduai 90.2 neiin, stream maktaduai 35.9 leh sales 14,000 a tling thei bawk a, hei hi chart-ah a No.1 pui leh ta a ni.
He chart-a a zawn ni lova kar ruk No.1 thei Post Malone ‘I Had Some Help’ featuring Morgan Wallen chu No.2-ah bawk awm lehin, chart No.1 hlui Kendrick Lamar ‘Not Like Us’ pawh No.3-ah bawk a la awm a, Sabrina Carpenter ‘Espresso’ chu No.5 atangin No.4-ah a insawn thar leh a, No.2 pawh lo ni tawh Tommy Richman ‘Million Dollar Baby’ chu No.4 atangin No.5-ah a tawlh ve thung.
Chart No.1 hlui Teddy Swims ‘Lose Control’ chu No.8 atangin No.6 a kai thar leh a, chart No.1 hlui Hozier ‘Too Sweet’ chu No.6 atangin No.7-ah a tawlh a, Chappell Roan ‘Good Luck, Babe!’ chu No.10 atangin No.8-ah a insawn a, chart No.1 hlui Sabrina Carpenter ‘Please Please Please’ chu No.7 atangin No.9-ah a tawlh a, Billie Eilish ‘Birds of a Feather’ chu No.11 atangin No.10 a kai thar ve leh ta bawk.
Shaboozey ‘A Bar Song (Tipsy)’ a Hot ber
