Daily Newspaper

Shania Twain-i’n a album hlui ‘The Woman in Me’ a tlangzarh nawn

33

Shania Twain chuan a album hit zet mai, Grammy pawh a lo dawn phah tawhna ‘The Woman in Me’ chu a album kum 25 tlin champha lawmna nipah fawnin a Diamond Edition Zirtawpni kalta khan a tlangzarh thar leh ta. He album hi 90s-a a rawn larchhuahna album kha a ni.

Shania Twain chuan, “He album hi ka career min thlak sak a, vawiin a ka awmna, mumang ramah pawh ka la man phak ngai loh min hruai thlengtu a ni. Beiseina sang tak ka nei a, hei vawiin a ka awmna, kum 25 hnuah hian, khatih lai khan chuan suangtuah phak pawh a ni lo. Chuvangin, kumin hi ka tan chuan lawm ngei chi a ni,” a ti.

He anniversary reissue-ah hian a live recording atanga a hmaa la tihchhuah loh leh mix thar te pawh a dah tel.

‘The Woman in Me’ album hi 1995-a a tlangzarh kha niin, a studio album pahnihna a ni a, a hla hit “The Woman In Me (Needs The Man In You),” “No One Needs to Know,” “Any Man Of Mine,” “(If You’re Not in It for Love) I’m Outta Here!” leh “You Win My Love,” tih hlate awmna kha a ni a, a hunlaiin Billboard 200 (albums) chart No.1 a kai a, a album zinga RIAA certified Diamond album niin, 1997 thleng khan US-ah copy maktaduai 10 chuang a hralh a, tunah chuan khawvel pumah copy maktaduai 20 chuanga hralh tawh a ni.

(THE AIZAWL POST – Thalaite Huang)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy