Nationalist Congress Party (NCP) president Sharad Pawar chuan opposition alliance Maha Vikas Aghadi (MVA) ah buaina a awm loh thu sawiin hei hi tun hnai lawka Pune-a a vahpa leh Maharashtra Deputy Chief Minister Ajit Pawar nena inhmuhna an neih avanga zawhna piang a chhanna a ni.
“MVA kan lungrual a, Indian National Developmental, Inclusive Alliance (INDIA) coalition meeting hlawhtling takin Augsut 31 leh September 1 ah kan thleng ang” tiin Pawar chuan a sawi zui bawk.
Ajit Pawar hel hnuah Sharad Pawar chuan Baramati tlawhin hei hi kum 82-a upa ni tawh veteran politician-in a vahpa Ajit Pawar-ana Eknath-Shinde kaihhruai sorkar July 2-a a zawmsan hnua a tlawh hmasak ber a ni bawk a.
MVA ah hian Congress leh Shiv Sena (Uddhav Balasaheb Thackeray) te pawh telin party pahnih te chuan NCP chief chu a vahpa nena an inhmuh chungchangah politics thila buaina awm thei a nih avangin sawi chiang turin an phut zui nghal a ni.
“MVA partners-ah engmah buaina tur a awm lo va. Kan lungrual a, August 31 leh September 1 a Mumbai a INDIA meeting neih tur hlawhtling takin kan thleng ang” tiin Pawar chuan a sawi zui a ni.
Pawar chuan media-te chu zawhna ngai zawta hriatfiahlohna thlen lo tura ngenin, “Kei, Uddhav Thackeray leh State Congress president Nana Patole te chuan Mumbai a INDIA meeting hlawhtling taka thlenah mawh kan phur a ni,” tiin a sawi a. Meeting chu luxury hotel-ah neih a ni ang, a ti zui bawk.
NCP chuan BJP nena inzawmna nei ‘MVA faction’ te nena inzawmna state leh national level-ah kan nei lo tia sawi bawkin Pawar chuan a vahpa chetlak dan chu a hnawl thu a sawi bawk.
Pawar chuan NCP leader Nawab Malik, August 11-a Supreme Court-in money laundering case a interim thla hnih chhung a pek chu a biak tur thu a sawi bawk a.
Enforcement Directorate te chuan minister hlui Malik hi nikum February 23 khan Dawood Ibrahim nena inzawmna neia puh Goawala compound property, Kurla a awm kaihhnawih case-ah an lo man tawh a ni.
Malik hi March 2022 atang khan judicial custody-ah a awm tawh a, nikum khan Kurla-a private hospital-ah dahluh niin tun thlengin damdawi Inah a la awm a ni.
Maharashtra-ah hian MVA alliance a tel National Congress Party chu tihphel niin Ajit Pawar faction te chuan BJP te nen inzawmin sorkar an zawm a, Deputy Chief Minister atana dah nghal a ni.
Sharad Pawar-an a vahpa nena inhmuh sawifiah
