Daily Newspaper

Shawn Mendes-a’n No.1 album pali a nei ta


Shawn Mendes album thar ‘Wonder’ chu Billboard 200 (albums) chart No.1-ah a debut a, hei hi a No.1 album palina niin, a full-length album pali tichhuah tawh te chu chart No.1-ah an la dbeut thei vek a ni.

Billboard 200 hi kar khat (Zirtawpni – Ningani) chhunga US-a album hralh tam dan atanga teha chart ranking siam thin a ni a, album hralh zat chhut nan hian album tak tak hralhna bakah streaming atanga album hralhna tlukpui leh album-a hla mal hralhna atanga album hralhna tlukpui te belhkhawm thin a ni.

‘Wonder’ chu kar khat chhungin US-ah copy 89,000 hralhin, chung zinga copy 54,000 chu album tak tak hralhna niin, copy 34,000 chu streaming atanga album hralhna tlukpui niin, album-a hla mal hralhna atangin album copy 1000 tlukpui an hralh thei bawk.

Shawn Mendes hian a a introductory project The Shawn Mendes EP chu August 2014 khan No.5 a kai pui a, chumi hnuah a full length album hmasa ber ‘Handwritten’ chu May 2015 khan No.1-ah a debut a, a album pahnihna ‘Illuminate’ chu October 2016-ah No.1-ah bawk debut-in, a album pathumna ‘Shawn Mendes’ chu June 2018 khan No.1-ah a debut pui leh bawk. A studio album pathumna a tihchhuah hma hian live album pahnih Live at Medison Square Garden leh MTV Unplugged an tichhuak a, No.200 leh No.71-ah an lang pha bawk.

Bad Bunny ‘El Ultimo Tour del Mundo’ chu copy 57,000 hralh lehin No.1 atangin No.2-ah a tawlh a, chart No.1 hlui bawk Ariana Grande ‘Positions’ chu copy 55,000 aia tam deuh hralh lehin No.2 atangin No.3-ah a tawlh ve ta bawk.

Chart top 10-ah Krismas album panga a lang a, Michael Buble No.1 album hlui ‘Christmas’ chu copy 55,000 hralh lehin No.6 atangin No.4 a kai thar leh a, Carrie Underwood ‘My Gift’ chu copy 53,000 hralh lehin No.9 atangin No.5-ah a insawn a, Nat King Cole ‘The Christmas Song’ chu copy 42,000 hralh lehin No.12 atangin No.7-ah a insawn a, Pentatonix ‘The Best of Pentatonix Christmas’ pawh copy 39,000 aia tam deuh hralh lehin No.16 atangin No.8 a kai thar ve leh a, Mariah Carey ‘Merry Christmas’ chu copy 38,000 hralh lehin No.15 atangin No.10 a kai thar ve leh ta bawk.

Pop Smoke No.1 album hlui ‘Shoot for the Stars Aim for the Moon’ chu copy 47,000 hralh lehin No.5 atangin No.6-ah a tawlh a, Megan Thee Stallion ‘Good News’ pawh copy 39,000 hralh lehin No.7 atangin No.9-ah a tawlh ve ta bawk.

Read More>> Full>> Epaper Subscribe Now

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy